Alludu Adhurs trailer: ‘అల్లుడు అదుర్స్’ ట్రైలర్: కొత్త మేనరిజం ట్రై చేసిన శ్రీనివాస్.. ఇదో ఆల్ రౌండర్ – natural star nani, director vv vinayak launched alludu adhurs trailer

0
55


ప్రముఖ నిర్మాత బెల్లంకొండ సురేష్ సినీ వారసుడిగా ఇండస్ట్రీలోకి అడుగుపెట్టిన బెల్లంకొండ సాయి శ్రీనివాస్ తనకంటూ ప్రత్యేక ఇమేజ్‌ను సంపాదించుకోవడానికి ప్రయత్నిస్తున్నారు. వి.వి.వినాయక్ లాంటి స్టార్ డైరెక్టర్ ద్వారా ‘అల్లుడు శీను’ సినిమాతో ప్రేక్షకులకు పరిచయమైన శ్రీనివాస్.. బోయపాటి శ్రీను దర్శకత్వంలో వచ్చిన ‘జయ జానకి నాయక’ సినిమాతో ప్రేక్షకుల దృష్టిని ఆకర్షించారు. ఆ తర్వాత కమర్షియల్ ఫార్ములాను పక్కనపెట్టి ‘సాక్ష్యం’, ‘కవచం’, ‘సీత’, ‘రాక్షసుడు’.. ఇలా వైవిధ్యమైన సినిమాలు చేస్తూ వచ్చారు.

‘రాక్షుసుడు’ వంటి సైకో థ్రిల్లర్ మూవీతో భారీ విజయాన్ని అందుకున్న శ్రీనివాస్.. ఈసారి మాత్రం పాత కమర్షియల్ ఫార్ములాపై నమ్మకం ఉంచారు. ‘కందిరీగ’, ‘రభస’, ‘హైపర్’ సినిమాలతో తెలుగు ప్రేక్షకులను అలరించిన దర్శకుడు సంతోష్ శ్రీనివాస్‌తో కలిసి ‘అల్లుడు అదుర్స్’ అంటూ వస్తున్నారు బెల్లంకొండ హీరో. నభా నటేష్ హీరోయిన్‌గా నటించిన ఈ చిత్రం సంక్రాంతి కానుకగా ఈనెల 15న విడుదలవుతోంది. అయితే చిత్ర ప్రచారంలో భాగంగా ‘అల్లుడు అదుర్స్’ ట్రైలర్‌ను నేచురల్ స్టార్ నాని, ప్రముఖ దర్శకుడు వి.వి.వినాయక్ చేతుల మీదుగా మంగళవారం హైదరాబాద్‌లో విడుదల చేశారు.
ట్రైలర్ చూస్తుంటే ప్రేక్షకుడికి కావాల్సిన అన్ని అంశాలు ఈ సినిమాలో ఉన్నాయని అర్థమవుతోంది. అంతేకాదు, బెల్లంకొండ శ్రీనివాస్ గత చిత్రాలకు భిన్నంగా ఈ సినిమాలో కొత్త మేనరిజాన్ని ట్రై చేశారు. ఆడ దెయ్యం ఆవహించిన వ్యక్తిలా నటించారు. అమ్మాయిలా నడవడం, చీర చుట్టుకుని ఫైట్స్ చేయడం.. ఇలా చాలానే ఉన్నాయి. కామెడీ, డ్రామా, ఫైట్స్.. ఇలా అన్ని రకాల అంశాలతో ట్రైలర్‌ను ఆసక్తికరంగా కట్ చేశారు. ఇక సినిమా ఎలా ఉంటుందో చూడాలి.

ప్రముఖ సినీ రచయిత వెన్నెలకంటి కన్నుమూత
కాగా, ఈ సినిమాలో అను ఇమ్మాన్యుయేల్ మరో హీరోయిన్‌గా నటించారు. సుమంత్ మూవీ ప్రొడ‌క్షన్స్ బ్యాన‌ర్‌పై సుబ్రహ్మణ్యం గొర్రెల ఈ చిత్రాన్ని నిర్మించారు. ప‌ర్‌ఫెక్ట్ ఫ్యామిలీ ఎంట‌ర్‌టైన‌ర్‌గా రూపొందిన ఈ చిత్రంలో బిగ్ బాస్ బ్యూటీ మోనాల్ గజ్జర్ స్పెషల్ సాంగ్ కూడా ఉంది. ఈ పాటలో మోనాల్‌తో బెల్లంకొండ శ్రీనివాస్‌తో పాటు సోనూ సూద్ కూడా స్టెప్పులేశారు. దేవిశ్రీ ప్రసాద్ సంగీతం సమకూర్చిన ఈ సినిమాకు చోటా కె. నాయుడు సినిమాటోగ్రఫి అందించారు. తమ్మిరాజు ఎడిటర్. రామ్-లక్ష్మణ్ ఫైట్స్ కంపోజ్ చేశారు.

‘అల్లుడు అదుర్స్’ ట్రైలర్: శ్రీనివాస్ ఆల్ రౌండర్

LEAVE A REPLY

Please enter your comment!
Please enter your name here