Ala Vaikunthapurramuloo Reunion: ఎన్టీఆర్‌కి ఏడో మూవీనే.. నాకు 20 సినిమాలు పట్టింది: అల్లు అర్జున్ – it took me 20 years for all time record film: allu arjun at ala vaikunthapurramuloo reunion

0
26


స్టైలిష్ స్టార్ అల్లు అర్జున్ కెరీర్‌లో ‘అల.. వైకుంఠపురములో’ సినిమా ఒక మైలురాయి. ఆయన కెరీర్‌లో ఆల్ టైమ్ హిట్. అంతేకాదు, నాన్ బాహుబలి రికార్డులన్నింటినీ తిరగరాసిన ఇండస్ట్రీ హిట్. ఈ సినిమా వచ్చి ఏడాది అవుతున్నా ఇంకా దాని రికార్డుల గురించి జనాలు మాట్లాడుతూనే ఉన్నారంటే దాని ఇంపాక్ట్ ఎలా ఉందో అర్థం చేసుకోవచ్చు. కేవలం వెండితెర మీదే కాకుండా ఓటీటీలో, టీవీలో సైతం ప్రేక్షకులను అమితంగా అలరించిన చిత్రమిది. అందుకే, ఈ సినిమాలో నటించిన అల్లు అర్జున్‌తో పాటు చిత్ర బృందమంతా ఈ సినిమాను ఇప్పటికీ సెలబ్రేట్ చేసుకుంటూనే ఉంది.

గతేడాది సంక్రాంతి కానుకగా విడుదలైన ‘అల.. వైకుంఠపురములో’ ఈరోజుతో ఏడాది పూర్తిచేసుకుంది. ఈ సందర్భంగా ‘అల.. వైకుంఠపురములో’ రీయూనియన్‌ను హైదరాబాద్‌లోని గీతా ఆర్ట్స్ కార్యాలయంలో నిర్వహించారు. ఈ కార్యక్రమంలో చిత్ర నిర్మాతలు అల్లు అరవింద్, సూర్యదేవర నాగవంశీ, దర్శకుడు త్రివిక్రమ్, హీరో అల్లు అర్జున్, హీరోయిన్ పూజా హెగ్డే, విలన్ సముద్రఖని, ఇతర నటీనటులు శశాంక్, సునీల్, నవదీప్‌తో పాటు టెక్నీషియన్స్ పాల్గొన్నారు.

Ala Vaikunthapurramuloo Reunion

‘అల వైకుంఠపురములో’ రీయూనియన్

ఈ సందర్భంగా బన్నీ మాట్లాడుతూ.. ‘‘గతేడాది సంక్రాంతి నుంచి ఇప్పటి వరకు మొత్తం సంవత్సర కాలం ప్రపంచానికి చాలా బ్యాడ్ ఇయర్. కానీ అందరూ అంటూ ఉంటారు.. బన్నీ గారు మీకు మాత్రం ఇది వెరీ స్పెషల్ ఇయర్ అని. ఇది కచ్చితంగా నిజం. నిజంగా ఎవరైనా కంప్లయింట్ చేయొచ్చు కానీ.. నేను మాత్రం కంప్లయింట్ చేయకూడదు. ఎందుకంటే నా లైఫ్‌ టైమ్‌లో ఒక మంచి జ్ఞాపకం ఈ సినిమా. నా బెస్ట్ ఫిలిం 2020లో వచ్చింది. ఒక వేళ ఈ సినిమా ఆ సమయంలో విడుదల కాకుండా వేసవిలో విడుదల చేద్దాం అని అనుకొని ఉండుంటే ఇంత అద్భుతమైన అనుభవాన్ని మేం కోల్పోయి ఉండేవాళ్లం. కోవిడ్‌కి ముందు ఏడాదిన్నర ఇంట్లో కూర్చున్నా.. ఆ తరవాత ఒక సంవత్సరం ఇంట్లో కూర్చున్నా ఎక్కడా బోర్ కొట్టలేదు నాకు. ఎందుకంటే, ఈ సినిమా అంత ఎనర్జీ ఇచ్చింది’’ అని చెప్పుకొచ్చారు.

మీరెక్కువగా లైవ్‌లో చూడటానికి ఇష్టపడతారా.. యాంకర్‌‌‌తో సునీల్ పరాచకాలు
ఇక తన లైఫ్‌లో ఒక విషయం గురించి అందరితో పంచుకోవాలంటూ మిగిలిన హీరోలతో పోల్చుకుంటూ తన రికార్డును ప్రస్తావించారు బన్నీ. ‘‘ప్రతి నటుడికీ ఏదో ఒక సమయంలో ఆల్ టైమ్ రికార్డ్ పడుతూ ఉంటుంది. జర్నీలో అదొక బ్యూటిఫుల్ మైల్‌స్టోన్ అవుతుంది. ఉదాహరణకు.. కళ్యాణ్ గారికి ‘ఖుషి’ ఆల్ టైమ్ రికార్డ్. అది ఆయన ఏడో సినిమా అనుకుంటా. జూనియర్ ఎన్టీఆర్ గారికి ఏడో సినిమా ‘సింహాద్రి’ ఆల్ టైమ్ రికార్డ్ ఫిలిం. చరణ్‌కి రెండో సినిమా ఆల్ టైమ్ రికార్డ్. ఇలా అందరికీ ఆల్ టైమ్ రికార్డ్ సినిమా ఉంది. నాకెప్పుడు పడుతుందని నేను కూడా అనుకునేవాడిని. అందరికీ చాలా ముందుగా పడింది.. నాకు 20 సినిమాలు పట్టింది. ఇది నా మొదటి అడుగు. ఇకపై నేనేంటో చూపిస్తా’’ అని అల్లు అర్జున్ వెల్లడించారు.

LEAVE A REPLY

Please enter your comment!
Please enter your name here