Akshara Trailer: ‘అక్షర’ ట్రైలర్.. నందితా శ్వేత సినిమాకు త్రివిక్రమ్ ప్రసంశ – trivikram launched nandita swetha akshara movie trailer

0
27


నందితా శ్వేత ప్రధాన పాత్రలో నటించిన సినిమా ‘అక్షర’. సినిమా హాల్ ఎంటర్‌టైన్మెంట్స్ బ్యానర్‌పై బి.చిన్నికృష్ణ దర్శకత్వంలో సురేష్ వర్మ అల్లూరి, అహితేజ బెల్లంకొండ ఈ చిత్రాన్ని నిర్మించారు. ‘అక్షర’ సినిమా ట్రైలర్‌ను మాటల మాంత్రికుడు, ప్రముఖ దర్శకుడు త్రివిక్రమ్ శ్రీనివాస్ విడుదల చేశారు. ఈ సినిమా ఫిబ్రవరి 26న విడుదల కాబోతుంది.

ట్రైలర్‌ను విడుదల చేసిన సందర్భంగా త్రివిక్రమ్ మాట్లాడుతూ.. ‘ట్రైలర్ చాలా ఆసక్తికరంగా ఉంది. చిన్ని కృష్ణ స్త్రీ పాత్రలను బలంగా రాయగలడు. విద్యా వ్యవస్థపై ఆయన నలుగురితో పంచు కోవాలనుకుంటున్న ఆలోచనలు అందరినీ ఆలోచింప జేస్తాయని నమ్ముతున్నాను. టీమ్ అందరికీ ఆల్ ద బెస్ట్’ అని అన్నారు.

ఎంఎస్ నారాయణ ‘క్యారీ బ్యాగ్స్’ కామెడీ సీన్ వెనుక గుండెల్ని పిండే బాధ.. బాత్రూంలోకి వెళ్లి ఏడ్చేవారట
అక్షర ట్రైలర్ విషయానికి వస్తే.. అఖిల విశ్వాన్ని శాసించే ఆది శక్తి అక్షరమే అనే డైలాగ్‌తో ట్రైలర్ ప్రారంభమైంది. మన దేశంలో సగటున ప్రతి గంటకు ఓ విద్యార్థి ఆత్మహత్య చేసుకుంటున్నాడని స్లైడ్‌లో చూపించారు. విద్యా వ్యవస్థ ఎలా వ్యాపారమయం అయ్యిందో చూపించే కథతో సినిమా చేసినట్లు తెలుస్తోంది. ఫీజుల కోసం, ర్యాంకుల కోసం కొన్ని ప్రైవేట్ కళాశాలలు చేస్తున్న అక్రమాలను ‘అక్షర’ ప్రేక్షకుల ముందుకు తీసుకురానుంది. ఫిజిక్స్ చెప్పే టీచర్ అక్షర పాత్రలో నందితా శ్వేత కనిపిస్తోంది. ఆమె క్యారెక్టర్‌లో ఇంటెన్స్ ఫెర్ఫార్మెన్స్ ఆకట్టుకుంటోంది.

విద్యార్థిని తండ్రిగా, ఈ విద్యా వ్యాపారానికి వ్యతిరేకంగా మాట్లాడే పాత్రలో హర్ష నటించారు. కాలేజ్ మాఫియాను నడిపించే పాత్రను సంజయ్ స్వరూప్ పోషించినట్లు తెలుస్తోంది. పోలీస్ ఆఫీసర్‌గా శత్రు పవర్ ఫుల్ క్యారెక్టర్ చేశారు. ఇన్వెస్టిగేషన్‌లో ‘చచ్చిన వాళ్లకు నీకు ఏంటి సంబంధం’ అని శత్రు అడిగితే, ‘జనంలోకి వెళ్లాలి అనే సమాధానం’ అక్షర ఇచ్చింది. అంటే విద్యా వ్యాపారంలోని అక్రమాలను సమాజానికి చెబుతూ, ఈ నిజాలు జనాల్లోకి వెళ్లాలి అనే అక్షర చెబుతున్నట్లు ఉంది. ఇలా ట్రైలర్ ఆద్యంతం ఆసక్తికరంగా సాగింది.

అర్ధనగ్నంగా పాప్ సింగర్.. మెడలో గణేషుడి బొమ్మ.. రాహుల్ గాంధీని లాగిన బీజేపీ లీడర్
ఈ చిత్రంలో సత్య, మధునందన్, షకలక శంకర్, శ్రీతేజ, అజయ్ ఘోష్ ముఖ్య పాత్రల్లో నటించారు. సురేష్ బొబ్బిలి సంగీతం సమకూర్చిన ఈ చిత్రానికి నగేష్ బెనల్ సినిమాటోగ్రఫీ అందించారు. జి.సత్య ఎడిటర్. నరేష్ బాబు తిమ్మిరి ఆర్ట్ డైరెక్టర్.

నందితా శ్వేత ‘అక్షర’ ట్రైలర్

LEAVE A REPLY

Please enter your comment!
Please enter your name here