Akkineni Nagarjuna: షూటింగ్‌కి రెడీ అవుతున్న ‘బంగార్రాజు’.. కీలక పాత్రలో రమ్యకృష్ణ! – hero nagarjuna banjarraju movie shooting will start on january

0
25


బిగ్‌బాస్-4 సీజన్ ముగియడంతో కింగ్ నాగార్జున సినిమాలతో బిజీగా మారనున్నారు. ఈ మధ్యలోనే కాస్త గ్యాప్ తీసుకుని ‘వైల్డ్ డాగ్’ సినిమా పూర్తి చేసిన నాగ్.. ఇప్పుడు మరో కొత్త ప్రాజెక్టుకు రెడీ అయ్యారు. కళ్యాణ్ కృష్ణ దర్శకత్వంలో నాగార్జున నటించిన ‘సోగ్గాడే చిన్నినాయనా’ ఎంత ఘన విజయం సాధించిందో తెలిసిందే. నాగ్ కెరీర్లోనే ఓ ప్రత్యేకమైన సినిమా నిలిచిపోయింది. ముఖ్యంగా బంగార్రాజు పాత్రలో ఆయన పరకాయ ప్రవేశం చేశారు.

Also Read: హీరోగా మారుతున్న జానీ మాస్టర్.. పవన్‌తో ప్రాజెక్ట్ సంగతేంటో!

ఇప్పుడు ఆ పాత్రకు సీక్వెల్‌గా నాగార్జునతో ‘బంగార్రాజు’ టైటిల్‌లో కళ్యాణ్ కృష్ణ ఓ సినిమాను తెరకెక్కిస్తున్నారు. సంక్రాంతి పండుగ సందర్భంగా జనవరి 16న ఈ సినిమా ప్రారంభం కానున్నట్లు సమాచారం. జనవరిలోనే షూటింగ్‌ మొదలుపెట్టి సింగిల్ షెడ్యూల్‌‌లోనే షూటింగ్ మొత్తం పూర్తి చేయాలని డైరెక్టర్ ప్లాన్ చేసుకుంటున్నాడట. అయితే ఈ సినిమాలో రమ్యకృష్ణ కీలక పాత్రలో కనిపించనున్నట్లు తెలుస్తోంది. ‘సోగ్గాడే చిన్నినాయనా’లో బంగార్రాజు భార్య సత్య‌గా రమ్యకృష్ణ ఆకట్టుకున్న సంగతి తెలిసిందే. ప్రస్తుతం ఈ సినిమాకు సంబంధించి సాంగ్స్ కంపోజిషన్ జరుగుతున్నట్లు సమాచారం.

Also Read: సంక్రాంతికి ప్రభాస్ ఇచ్చే సర్‌ప్రైజ్ అదేనా?

LEAVE A REPLY

Please enter your comment!
Please enter your name here