akash puri: ‘జార్జిరెడ్డి’ డైరెక్టర్‌తో ఆకాశ్ పూరి సినిమా.. చోర్ బజార్ – akash puri doing chor bazaar movie with george reddy director jeevan reddy

0
24


ప్రధానాంశాలు:

  • ‘మెహబూబా’ సినిమాతో సోలో హీరోగా పరిచయమైన ఆకాశ్ పూరి
  • ప్రస్తుతం ‘రొమాంటిక్’ మూవీతో సిద్ధమవుతోన్న పూరి తనయుడు
  • ‘జార్జిరెడ్డి’ దర్శకుడు జీవన్ రెడ్డితో మూడో సినిమా

డాషింగ్ డైరెక్టర్ పూరి జగన్నాథ్ తనయుడు, యువ హీరో ఆకాశ్ పూరి తన మూడో చిత్రాన్ని ఖరారు చేశారు. ‘జార్జిరెడ్డి’ చిత్రంతో విద్యార్థి నాయకుడు జార్జి రెడ్డి స్ఫూర్తిదాయక కథను తెరకెక్కించిన దర్శకుడు జీవన్ రెడ్డి ఈ చిత్రాన్ని రూపొందించనున్నారు. ఆకాశ్ పూరి, జీవన్ రెడ్డి కాంబినేషన్‌లో వస్తోన్న ఈ చిత్రానికి ‘చోర్ బజార్’ అనే టైటిల్‌ను ఖరారు చేశారు. సాధారణంగా దొంగిలించిన వస్తువులన్నీ చోర్ బజార్‌కు చేరుతుంటాయి. అయితే ఈ కథను అంతా ఊహించినట్లు కాకుండా విభిన్నంగా తెరకెక్కించనున్నారట దర్శకుడు.

‘చోర్ బజార్’ సినిమా గురువారం హైదరాబాద్‌లో లాంఛనంగా ప్రారంభమైంది. హీరో ఆకాశ్‌పై సోదరి పవిత్ర పూరి క్లాప్ ఇవ్వగా.. తల్లి లావణ్య కెమెరా స్విచ్చాన్ చేశారు. ఐ.వి.ఎస్.ఎన్ రాజు ఫస్ట్ షాట్‌కు దర్శకత్వం వహించారు. బాలు మున్నంగి స్క్రిప్ట్‌ను అందించారు. వి ప్రొడక్షన్స్ పతాకంపై వీఎస్ రాజు తన తొలి ప్రయత్నంగా ఈ చిత్రాన్ని నిర్మిస్తున్నారు.

See Photos: ఆకాశ్ పూరి ‘చోర్ బజార్’ మూవీ ఓపెనింగ్.. ప్రత్యేక ఆర్షణగా పూరి ఫ్యామిలీ

లవ్, యాక్షన్ ఎంటర్‌టైనర్‌గా రూపొందుతున్న ‘చోర్ బజార్’ చిత్రంలో సుబ్బరాజు, పోసాని కృష్ణమురళి, ‘లేడీస్ టైలర్’ ఫేమ్ అర్చన ఇతర కీలక పాత్రల్లో కనిపించనున్నారు. ‘చోర్ బజార్’ సినిమా రెగ్యులర్ షూటింగ్ ఫిబ్రవరి 26 నుంచి ప్రారంభం కానుంది. సురేష్ బొబ్బిలి సంగీతం సమకూరుస్తోన్న ఈ చిత్రానికి జగదీష్ చీకటి సినిమాటోగ్రఫి అందిస్తున్నారు. సత్య గిడుతూరి ఎడిటర్. గాంధీ నడికుడికర్ ఆర్ట్ డైరెక్టర్. ఫృథ్వీ శేఖర్ ఫైట్స్ కంపోజ్ చేయనున్నారు. భాను కొరియోగ్రాఫర్. అల్లూరి సురేష్ వర్మ సహ నిర్మాత.

గని: హైదరాబాద్‌లో ల్యాండ్ అయిన ఉపేంద్ర.. ఇక మెగా వారసుడు వరుణ్ తేజ్‌తో సమరమే!
కాగా, ‘ఆంధ్రాపోరీ’ సినిమాతో ఆకాశ్ పూరి హీరోగా తన కెరీర్‌ను మొదలుపెట్టారు. అయితే, ఈ సినిమాను ఆకాశ్ తొలి సినిమాగా పరిగణించడంలేదు. పూరి జగన్నాథ్ దర్శకత్వంలో వచ్చిన లవ్ స్టోరీ ‘మెహబూబా’ను ఆకాశ్ సోలో హీరోగా తొలి సినిమా అంటున్నారు. ఈ సినిమా డిజాస్టర్ అయిన సంగతి తెలిసిందే. ఇక ఆకాశ్ హీరోగా నటించిన రెండో చిత్రం ‘రొమాంటిక్’. అనిల్ పాదూరి దర్శకత్వం వహించారు. పూరి జగన్నాథ్, చార్మి నిర్మాతలు. కేతికా శర్మ హీరోయిన్. ఈ సినిమా విడుదలకు సిద్ధమవుతోంది.

LEAVE A REPLY

Please enter your comment!
Please enter your name here