Ajit Doval: సర్జికల్ స్ట్రైక్స్ వ్యూహకర్త దోబాల్ ఇంటిపై ఉగ్రవాదుల రెక్కీ.. కీలక సమాచారం చెప్పిన టెర్రరిస్ట్ – nsa ajit doval’s security beefed up after recce video of his office by jaish surfaces

0
26


పాక్ గడ్డ పైనుంచి ఉగ్రవాదులు భారీ కుట్రలకు తెగబడుతున్నారు. ఇటీవల పట్టుబడ్డ ఓ టెర్రరిస్ట్ సంచలన విషయాలను బయటపెట్టినట్లు పోలీసు వర్గాలు తెలిపాయి. జాతీయ భద్రతా సలహాదారు (National Security Advisor), సర్జికల్ స్ట్రైక్స్ వ్యూహకర్త అజిత్‌ దోబాల్‌‌ను హత్య చేయాలని ఉగ్రవాదులు కుట్ర పన్నారు. ఇందుకోసం ఆయన ఇంటిపై రెక్కి నిర్వహించినట్లు పోలీసుల కస్టడీలో ఉన్న ఆ ఉగ్రవాది బయటపెట్టాడు. దీంతో దోబాల్‌ నివాసం, ఆయన కార్యాలయం వద్ద ఎన్‌ఐఏ భద్రతను కట్టుదిట్టం చేసింది.

జైషే మొహమ్మద్ ఉగ్రవాద సంస్థకు చెందిన హిదాయత్‌ ఉల్లా మాలిక్‌ అనే ఉగ్రవాదిని ఫిబ్రవరి 6న జమ్మూ కశ్మీర్‌ పోలీసులు అరెస్టు చేశారు. అతడిని తమ కస్టడీలోకి తీసుకొని విచారిస్తున్నారు. దర్యాప్తులో అతడు కీలక విషయాలు వెల్లడించినట్లు తెలుస్తోంది.

పాకిస్థాన్‌కు చెందిన ఓ వ్యక్తి ఆదేశాల మేరకు ఢిల్లీలో సర్దార్‌ పటేల్‌ భవన్‌, అజిత్ దోబాల్‌ నివాసంతో పాటు ప్రముఖులు ఉండే పలు ప్రాంతాల్లో తాను రెక్కీ నిర్వహించానని మాలిక్‌ తెలిపినట్లు సమాచారం. 2019 మేలోనే ఈ రెక్కీ నిర్వహించినట్లు సమాచారం. ఢిల్లీతో పాటు సాంబా సరిహద్దుల్లోనూ తాను రెక్కీ నిర్వహించానని ఆ ఉగ్రవాది తెలిపాడు. తనతో పాటు మరికొందరు ఉగ్రవాదులు కూడా ఈ ఆపరేషన్‌లో ఉన్నట్లు అతడు చెప్పినట్లు సమాచారం.

మాలిక్‌ ఇచ్చిన సమాచారంతో జమ్మూ కశ్మీర్‌ పోలీసులు అప్రమత్తమయ్యారు. వెంటనే ఢిల్లీ పోలీసులకు సమాచారం ఇచ్చారు. దీంతో దోబాల్‌ నివాసం, కార్యాలయం వద్ద భద్రతను పెంచారు.

కశ్మీర్‌ భద్రతా వ్యవహారాల్లో అజిత్ దోబాల్‌ కీలకంగా వ్యవహరిస్తున్నారు. ఆర్టికల్ 370 రద్దు తర్వాత అక్కడి పరిస్థితిని నిరంతరం పర్యవేక్షిస్తూ భద్రతా బలగాలకు తగిన సూచనలు ఇస్తున్నారు. 2016లో జరిగిన సర్జికల్‌ స్ట్రైక్స్‌, 2019లో పాకిస్థాన్‌లోని బాలాకోట్‌‌పై ఎయిర్ స్ట్రైక్స్ నిర్వహించడంలో దోబాల్ వ్యూహకర్తగా వ్యవహరించారు.

LEAVE A REPLY

Please enter your comment!
Please enter your name here