adivi sesh: ఆగిన రాజశేఖర్ కుమార్తె సినిమా.. అడివి శేష్‌కు కోర్టు నోటీసులు – 2 states movie remake: actor adivi sesh gets notice from court

0
47


హీరో రాజశేఖర్ కుమార్తె శివానీని హీరోయిన్‌గా పరిచయం చేస్తూ 2018లో ఒక సినిమాను ప్రారంభించారు. బాలీవుడ్‌లో విజయవంతమైన ‘2 స్టేట్స్’ తెలుగు రీమేక్ ద్వారా శివానీని వెండితెరకు పరిచయం చేయాలనుకున్నారు. అడివి శేష్ ఈ సినిమాలో హీరో. వెంకట్ రెడ్డి కుంచ దర్శకుడు. లక్ష్య ప్రొడక్షన్స్ బ్యానర్‌పై ఎం.ఎల్.వి.సత్యనారాయణ (సత్తిబాబు) ఈ సినిమాను నిర్మించేందుకు సిద్ధమయ్యారు. ఈ చిత్ర ప్రారంభోత్సవ కార్యక్రమం హైదరాబాద్‌లోని అన్నపూర్ణ స్టూడియోస్‌లో ఘనంగా జరిగింది. హేమాహేమీలందరూ విచ్చేశారు. అయితే, ఈ సినిమా మధ్యలోనే ఆగిపోయింది.

కారణాలు ఏమిటో తెలీదు కానీ.. ఈ సినిమాను పక్కన పెట్టేసిన హీరో అడివి శేష్ ఆ తరవాత ‘గూఢచారి’, ‘ఎవరు’ వంటి సూపర్ హిట్ సినిమాల్లో నటించారు. ప్రస్తుతం ‘మేజర్’ సినిమాతో ప్రేక్షకుల ముందుకు వచ్చేందుకు సిద్ధమవుతున్నారు. మరోవైపు, ఈ సినిమా ఆగిపోవడంతో శివానీ రాజశేఖర్ పరిచయం కూడా ఆగిపోయింది. మరో సినిమాతో తెలుగు ప్రేక్షకులకు పరిచయం అయ్యేందుకు శివాని సిద్ధమవుతున్నారు.

విశ్వక్‌సేన్ కొత్త సినిమా ప్రారంభం.. మరో రీమేక్‌తో వస్తోన్న మాస్ కా దాస్
ఇదిలా ఉంటే, ‘2 స్టేట్స్’ సినిమా ఆగిపోవడానికి హీరో అడివి శేష్ కారణం అంటున్నారు నిర్మాత సత్తిబాబు. అడివి శేష్ ఈ ప్రాజెక్ట్ నుంచి తప్పుకోవడం వల్ల తనకు తీవ్ర నష్టం వాటిల్లిందని నిర్మాత సత్తిబాబు కోర్టును ఆశ్రయించారు. తనకు న్యాయం చేయాలని ఆయన కోర్టులో పిటిషన్ వేశారు. ఈ పిటిషన్‌పై జనవరి 5 లోగా వివరణ ఇవ్వాలని, కౌంటర్ దాఖలు చేయాలని అడివి శేష్‌కు కోర్టు నోటీసులు పంపింది. మొత్తం మీద ఆగిపోయిన సినిమా ఇప్పుడు అడివి శేష్‌కు చిక్కులు తెచ్చిపెట్టింది. మరి ఈ నోటీసులపై అడివి శేష్ ఎలా స్పందిస్తారో చూడాలి.

LEAVE A REPLY

Please enter your comment!
Please enter your name here