Actress Sai Sudha: Shyam K Naidu: నటి శ్రీ సుధపై శ్యామ్ కె నాయుడు శారీరక దాడి.. ప్రాణభయంతో పోలీసులకు ఫిర్యాదు.. మరో ట్విస్ట్ – arjun reddy fame sri sudha complaints on shyam k naidu again

0
35


ప్రముఖ సినిమాటోగ్రాఫర్‌ శ్యామ్‌ కె. నాయుడు, అతడి స్నేహితుల నుంచి తనకు ప్రాణహాని ఉందంటూ హైదరాబాద్‌ ఎస్సార్‌నగర్‌ పోలీస్ స్టేషన్‌లో ఫిర్యాదు చేశారు సినీ నటి శ్రీసుధ. ఐదేళ్లుగా తనను శారీరకంగా వాడుకుని.. తనతో సహజీవనం చేసి పెళ్లికి నిరాకరిస్తుండటంతో శ్యామ్ కె నాయుడుపై గతంలో పోలీసులకు ఫిర్యాదు చేసింది నటి శ్రీ సుధ.

గతంలో ఆయనపై తాను పెట్టిన కేసును ఉపసంహరించుకోవాలంటూ ఒత్తిడి తెస్తున్నారని, రాజీ కుదుర్చుకోవాలని బెదిరిస్తున్నారంటూ హైదరాబాద్‌లోని ఎస్ఆర్ నగర్ పోలీసులను ఆశ్రయించారు శ్రీసుధ.

అయితే తాజా ఫిర్యాదులో సంచలన విషయాలను బయటపెట్టింది శ్రీ సుధ. శ్యామ్ కె నాయుడుతో పాటు సినీ ఆర్ట్ డైరెక్టర్ చిన్నా,స్టిల్ ఫోటోగ్రాఫర్ సాయిరాం మాగంటిల పేర్లను ప్రస్తావిస్తూ.. కేసుని వెనక్కి తీసుకోవాలని బెదిరింపులకు పాల్పడ్డారని.. తనను తీవ్ర స్థాయిలో దూషించడంతో పాటు.. శారీరక దాడికి పాల్పడినట్టు ఫిర్యాదులో పేర్కొంది.

వీరివల్ల తనకి ప్రాణ భయం ఉందని.. వాళ్లు ఎక్కడ చంపేస్తారనే భయంతోనే ఈ విషయాలను బయటకు చెప్పలేదని.. ప్రస్తుతం తనకు శ్యామ్‌ కె.నాయుడు, అతని కుటుంబ సభ్యులు, మిత్రులతో ప్రాణహాని ఉన్నందున మరోసారి ఫిర్యాదు చేస్తున్నట్లు వెల్లడించారు శ్రీసుధ.

కాగా శ్రీసుధ ఫిర్యాదును స్వీకరించిన ఎస్ ఆర్ నగర్ పోలీసులు శ్యామ్‌ కె.నాయుడు, ఆర్ట్‌ డైరెక్టర్‌ చిన్నా, స్టిల్‌ ఫొటోగ్రాఫర్‌ సాయిరాం మాగంటి తదితరులపై జీరో ఎఫ్‌ఐఆర్‌ కేసు నమోదు చేసినట్టు తెలుస్తోంది. అయితే నిజంగానే శ్యామ్ కె నాయుడు అతని స్నేహితులతో శ్రీ సుధను బెదిరించారా?? శారీరక దాడికి పాల్పడ్డారా? అన్నది పోలీసుల విచారణలో తేలనుంది.

డాక్టర్ వదిలేసి యాక్టర్..
గుంటూరుకు చెందిన శ్రీ సుధ.. అసలు పేరు శ్రీ సాయి సుధా రెడ్డి. ఆమె మెడిసిన్ చదివి ఫిజియోథెరఫిస్ట్‌గా కొన్నేళ్లు పనిచేసి.. సినిమాలపై ఉన్న ఆసక్తితో డాక్టర్ ఉద్యోగాన్ని వదిలేసి యాక్టర్‌గా మారింది. బాడీగార్డ్, దమ్ము, అవును, అర్జున్ రెడ్డి, ఎవరు తదితర చిత్రాల్లో నటించింది. అయితే శ్యామ్ కె నాయుడుతో ఉన్న పరిచయం శారీరక సంబంధంగా మారడంతో ఐదేళ్లు పాటు సహజీవనం సాగించారు. అయితే శ్యామ్ కె నాయుడుకి అప్పటికే పెళ్లై భార్యా పిల్లలు ఉండటంతో గొడవలు మొదలు కావడం.. శ్రీ సుధను దూరం పెట్టడంతో వీరి మధ్య వివాదం తలెత్తింది. ఆ వివాదం కేసులు పెట్టుకునే వరకూ వెళ్లింది. అయితే వీరి వ్యవహారంలో ఇండస్ట్రీ పెద్దలు రాజీ ప్రయత్నాలు చేసి విఫలం అయ్యారు. ఇదే కేసులో పోలీసులు తన దగ్గర ఐదు లక్షల రూపాయలు డబ్బులు తీసుకొని న్యాయం చేయలేదంటూ శ్రీ సుధా ఏసీబీ అధికారులను ఆశ్రయించడం అప్పట్లో పెద్ద సంచలనం అయ్యింది. టాలీవుడ్‌లోనే హాట్ టాపిక్‌గా ఉన్న శ్రీసుధ-శ్యామ్ కె నాయుడు లైంగిక ఆరోపణల కేసు ఇంకెన్ని ట్విస్ట్‌లు చూడాల్సివస్తుందో మరి.

LEAVE A REPLY

Please enter your comment!
Please enter your name here