actor Rohit: సుధీర్ఘ విరామం తరవాత రీఎంట్రీ ఇస్తున్న ‘6టీన్స్’ హీరో రోహిత్‌ – 6 teens hero rohit re-entry with kalaakaar movie

0
26


‘6టీన్స్‌’, ‘జానకి వెడ్స్‌ శ్రీరామ్‌’, ‘గుడ్‌బాయ్‌’, ‘నేను సీతామాలక్ష్మి’, ‘నవవసంతం’, ‘సొంతం’ వంటి సినిమాలతో హీరోగా మంచి గుర్తింపు తెచ్చుకున్నారు రోహిత్‌. ఆ తరవాత క్యారెక్టర్ ఆర్టిస్టుగా కూడా నటించారు. అయితే, చాలా కాలంగా రోహిత్ వెండితెరకు దూరమైపోయారు. ఇప్పుడు సుధీర్ఘ విరామం తరవాత మళ్లీ ఆయన హీరోగా తెలుగు ఆడియన్స్ ముందుకు వస్తున్నారు.

రోహిత్ హీరోగా శ్రీను బందెల దర్శకత్వంలో రూపొందుతోన్న సస్పెన్స్‌ థ్రిల్లర్‌ ‘కళాకార్‌’. ఏజీ అండ్‌ ఏజీ ఎంటర్‌టైన్‌మెంట్స్‌ పతాకంపై నిర్మాత వెంకటరెడ్డి జాజాపురం నిర్మిస్తున్నారు. చిన్నా సంగీతం సమకూరుస్తున్నారు. షాయాజీషిండే, పృథ్వీరాజ్‌, రాజీవ్‌ కనకాల, శివశంకర్‌, రవికాలే, గగన్‌, కరాటే కళ్యాణి, జయలలిత, అశోక్‌కుమార్‌ కీలకపాత్రల్లో నటించారు. ఈ మూవీ షూటింగ్‌ పూర్తయ్యింది. ఈ సినిమా విశేషాలను చిత్ర యూనిట్ శుక్రవారం వెల్లడించింది.

‘రైడర్’ టీజర్: ఎగరేసి కుమ్ముతున్న యువరాజా.. వామ్మో!
హీరో రోహిత్‌ మాట్లాడుతూ.. ‘‘నేను ఫస్ట్‌ టైమ్‌ ఒక ఫ్యూర్‌ యాక్షన్‌ మూవీ చేస్తున్నాను. ఈ సినిమాలో నాది ఒక పవర్‌ఫుల్‌ పోలీస్‌ ఆఫీసర్‌ క్యారెక్టర్‌. సినిమా చాలా బాగా వచ్చింది. శ్రీను గారి మేకింగ్‌ కొత్తగా ఉంది. డెఫినెట్‌గా ఈ మూవీ ఒక కమర్షియల్‌ ఎంటర్‌టైనర్‌గా మిమ్మల్ని అలరిస్తుంది. నా గత చిత్రాల్లానే ఈ మూవీకి కూడా మీ అందరి ఆశీస్సులు ఉండాలని కోరుకుంటున్నాను’’ అని అన్నారు.

KALAAKAAR Movie

‘కళాకార్’ సెట్‌లో నటులు

చిత్ర నిర్మాత వెంకటరెడ్డి జాజాపురం మాట్లాడుతూ.. ‘‘మా ఏజీ అండ్‌ ఏజీ ఎంటర్‌టైన్‌మెంట్స్‌ బేనర్‌లో రూపొందుతోన్న రెండవ చిత్రం ‘కళాకార్‌’. మంచి బడ్జెట్‌, భారీ తారాగణంతో దర్శకుడు శ్రీనివాస్‌ బందెల ఈ మూవీని తెరకెక్కిస్తున్నారు. సినిమా చాలా బాగా వచ్చింది. ఆర్టిస్టులు, టెక్నీషియన్స్‌ నుండి మంచి సపోర్ట్‌ లభించింది. ఈ చిత్రాన్ని మీరందరూ ఆదరించాలని కోరుకుంటున్నాను’’ అని అన్నారు.

క్రేజీ అప్‌డేట్.. ప్రభాస్‌కు విలన్‌గా విజయ్ సేతుపతి!!
చిత్ర దర్శకుడు శ్రీను బందెల మాట్లాడుతూ.. ‘‘కళాకారుల నేపథ్యంతో రూపొందుతోన్న సస్పెన్స్‌ థ్రిల్లర్‌ సబ్జెక్ట్‌ ఇది. సినిమా పరిశ్రమపై మక్కువతో ఎంతో మంది ఇండస్ట్రీకి వస్తుంటారు. వారిలో కొంత మంది ఇండస్ట్రీలో రాణిస్తుంటారు, మరి కొంత మంది తిరిగి వెళ్లిపోతుంటారు. అయితే తిరిగి వెళ్లలేని కొంత మంది జీవితంలో జరిగిన సంఘటనల ఆధారంగా ఈ మూవీ తెరకెక్కుతోంది. ‘6టీన్స్‌’ హీరో రోహిత్‌ చాలా రోజుల తర్వాత నటిస్తోన్న కమ్‌బ్యాక్‌ మూవీ ఇది. అలాగే చాలా మంది సీనియర్‌ ఆర్టిస్టులు నటించారు. ప్రస్తుతం షూటింగ్‌ పూర్తయ్యింది. సమ్మర్‌ స్పెషల్‌గా రిలీజ్‌ చేయడానికి ప్లాన్‌ చేస్తున్నాం. ఈ సినిమాలో యాక్షన్‌ సీక్వెన్సెస్‌, సస్పెన్స్‌ ఎలిమెంట్స్‌ తప్పకుండా మిమ్మల్ని థ్రిల్‌ చేస్తాయి’’ అని అన్నారు.

LEAVE A REPLY

Please enter your comment!
Please enter your name here