Acharya Pre Release Business: ‘ఆచార్య’ మెగా బిజినెస్: రూ.120 కోట్ల పైనే.. దిల్ రాజుపై వరంగల్ శ్రీనుదే పైచేయి!! – warangal srinu reportedly acquires chiranjeevi acharya nizam theatrical release rights

0
21


ప్రధానాంశాలు:

  • రూ.120 కోట్లకు పైగా ప్రీ రిలీజ్ బిజినెస్ చేసిన ‘ఆచార్య’?
  • నైజాం హక్కులను దక్కించుకున్న వరంగల్ శ్రీను!
  • కొరటాల శివ దర్శకత్వంలో తెరకెక్కుతోన్న ‘ఆచార్య’

మెగాస్టార్ చిరంజీవి ప్రస్తుతం ‘ఆచార్య’ సినిమాతో బిజీగా ఉన్నారు. సక్సెస్‌ఫుల్ డైరెక్టర్ కొరటాల శివ దర్శకత్వంలో ప్రతిష్టాత్మకంగా రూపొందుతోన్న ఈ చిత్రాన్ని శ్రీమతి సురేఖ కొణిదెల సమర్పణలో కొణిదెల ప్రొడక్షన్ కంపెనీ, మ్యాట్నీ ఎంటర్‌టైన్మెంట్ బ్యానర్లపై రామ్ చరణ్, నిరంజన్ రెడ్డి సంయుక్తంగా నిర్మిస్తున్నారు. మణిశర్మ సంగీతం సమకూరుస్తున్నారు. మే 13న ఈ సినిమా విడుదలవుతుంది. ఈ సినిమాపై ఇటు మెగా అభిమానులతో పాటు అటు ప్రేక్షకుల్లోనూ భారీ అంచనాలున్నాయి. ఇటీవల విడుదలైన టీజర్‌తో ఈ అంచనాలు రెట్టింపు అయ్యాయి.

కొరటాల శివ దర్శకత్వంలో చిరంజీవి హీరోగా ఈ సినిమాను ప్రకటించినప్పటి నుంచీ దీనిపై పాజిటివ్ బజ్ ఏర్పడింది. డిస్ట్రిబ్యూటర్ల కళ్లు కూడా ఈ సినిమాపైనే పడ్డాయి. ఆంధ్ర, నైజాం, సీడెడ్ ఏరియాల నుంచి చాలా మంది డిస్ట్రిబ్యూటర్లు ‘ఆచార్య’ థియేట్రికల్ రైట్స్ కోసం పోటీపడ్డారట. దీంతో ప్రీ రిలీజ్ బిజినెస్ భారీగా జరిగిందని ఇండస్ట్రీ వర్గాలు అంటున్నాయి. ప్రస్తుతం ఇండస్ట్రీ నుంచి వినిపిస్తోన్న సమాచారం ప్రకారం తెలుగు రాష్ట్రాల్లో థియేట్రికల్ రైట్స్ ద్వారానే ‘ఆచార్య’ రూ.120 కోట్లకు పైగా బిజినెస్ చేసింది.

రకుల్, ప్రగ్యా డిన్నర్ డేట్: పొట్టి డ్రెస్సుల్లో మెరిసిన తారలు.. షర్ట్ ఓకే, మరి ప్యాంట్లేవి!
అయితే, నైజాం ఏరియాకు సంబంధించి ఆసక్తిక వార్త ఒకటి ఇండస్ట్రీ వర్గాల్లో చక్కర్లు కొడుతోంది. ‘క్రాక్’ సినిమాతో నైజాంలో లాభాలను కొల్లగొట్టిన డిస్ట్రిబ్యూటర్ శ్రీనివాస్ అలియాస్ వరంగల్ శ్రీను ఇప్పుడు ‘ఆచార్య’ హక్కులను ఫ్యాన్సీ రేట్‌కు సొంతం చేసుకున్నారట. ‘ఆచార్య’ డిస్ట్రిబ్యూషన్ విషయంలో దిల్ రాజుకు, వరంగల్ శ్రీను మధ్య గట్టి పోటీ నడిచిందని.. అయితే, రాజు కన్నా ఎక్కువ మొత్తం చెల్లించి శ్రీను మెగా సినిమా హక్కులను సొంతం చేసుకున్నారని అంటున్నారు. ఏకంగా రూ.42 కోట్లకు నైజాం హక్కులను వరంగల్ శ్రీను కొనుగోలు చేశారట.

వాలంటైన్స్ డే అని అలాంటి పనులొద్దు.. బలవంత పెట్టి చేస్తున్నారు! బ్రేకప్ అయ్యిందంటే.. రష్మీ ఎమోషనల్
ఇక, ఆంధ్ర ఏరియాలో ‘ఆచార్య’ రూ.60 కోట్ల ప్రీ రిలీజ్ బిజినెస్ చేయగా.. సీడెడ్ థియేట్రికల్ రైట్స్ రూ.20 కోట్లకు అమ్ముడుపోయానని టాక్. ‘ఆచార్య’ ప్రీ రిలీజ్ బిజినెస్ అటుంచితే.. ప్రస్తుతం వరంగల్ శ్రీను దూకుడు గురించే ఇండస్ట్రీలో ఎక్కువగా మాట్లాడుకుంటున్నారు. ‘క్రాక్’ థియేటర్ల విషయంలో దిల్ రాజుపై వరంగల్ శ్రీను బహిరంగంగానే తీవ్ర ఆరోపణలు చేసిన విషయం తెలిసిందే. ఈ వివాదంతో వరంగల్ శ్రీను పేరు మీడియాలో మారు మోగింది. ఇప్పుడు ‘ఆచార్య’ హక్కులను దక్కించుకుని మరోసారి వార్తల్లో నిలిచారు శ్రీను. ఇదే కాకుండా ‘సర్కారు వారి పాట’ నైజాం హక్కులను దక్కించుకోవడానికి కూడా శ్రీను చూస్తున్నారట. ఇప్పటికే ఆయన మైత్రీ మూవీ మేకర్స్‌తో డీల్ సెట్ చేసే పనిలో ఉన్నారట.

LEAVE A REPLY

Please enter your comment!
Please enter your name here