30 Rojullo Preminchadam Ela Trailer: ‘30 రోజుల్లో ప్రేమించటం ఎలా’ ట్రైలర్.. ప్రదీప్ సినిమాలో అన్నీ ఉన్నాయి! – vijay deverakonda unveils pradeep machiraju 30 rojullo preminchadam ela trailer

0
25


ప్రముఖ యాంకర్ ప్రదీప్ మాచిరాజు ‘30 రోజుల్లో ప్రేమించ‌టం ఎలా?’ సినిమా ద్వారా హీరోగా ప‌రిచ‌యం అవుతున్న సంగతి తెలిసిందే. ఈ సినిమా నుంచి ఇప్పటికే విడుదలైన ‘నీలి నీలి ఆకాశం’ పాట ఒక సెన్సేషన్. ఈ సినిమాకు కావాల్సిన ప్రచారాన్నంతా ఈ ఒక్క పాట ఇచ్చేసింది. ఈ పాట విడుదలైన ఏడాది తరవాత ఇప్పుడు సినిమాను ప్రేక్షకుల ముందుకు తీసుకొస్తున్నారు. ఈనెల 29న ‘30 రోజుల్లో ప్రేమించడం ఎలా?’ థియేటర్లలోకి రానుంది.

ఇదిలా ఉంటే, ఈ సినిమా ట్రైలర్‌ను గురువారం విడుదల చేశారు. సెన్సేషనల్ హీరో విజయ్ దేవరకొండ ట్రైలర్‌ను సోషల్ మీడియా ద్వారా లాంచ్ చేశారు. ఈ సందర్భంగా చిత్ర యూనిట్‌కు శుభాకాంక్షలు తెలిపారు. ట్రైలర్ చూస్తుంటే ఒక కమర్షియల్ సినిమాకు కావాల్సిన అన్ని హంగులూ ఈ సినిమాలో ఉన్నాయని అర్థమవుతోంది. పునర్జన్మల నేపథ్యంలో ఈ సినిమా వస్తున్నట్టు స్పష్టత వచ్చింది. రొమాంటిక్ ఎంటర్‌టైనర్‌గా రూపొందిన ఈ చిత్రంలో హర్ష చెముడు, భద్రం, హేమ, పోసాని కృష్ణమురళి, ‘శుభలేఖ’ సుధాకర్ ఇతర ముఖ్య పాత్రలు పోషించారు.

ఆ ఇద్దరి రుణం తీర్చుకోలేనిది: ఆలీ
సుకుమార్ ద‌గ్గర ‘ఆర్య 2’, ‘1.. నేనొక్కడినే’ చిత్రాల‌కు ప‌నిచేసిన మున్నా ఈ సినిమా ద్వారా దర్శకుడిగా పరిచయం అవుతున్నారు. ప్రదీప్ స‌ర‌స‌న నాయిక‌గా అమృతా అయ్యర్ న‌టించారు. అనూప్ రూబెన్స్ సంగీతం సమకూర్చారు. శివేంద్ర దాశరధి సినిమాటోగ్రఫీ అందించారు. కార్తీక్ శ్రీనివాస్ ఎడిటర్. క‌న్నడలో ప‌లు విజయవంతమైన సినిమాలు తీసిన ఎస్‌.వి.బాబు ఈ చిత్రాన్ని ఎస్‌.వి. ప్రొడ‌క్షన్స్ బ్యాన‌ర్‌పై నిర్మించారు. జీఏ2, యూవీ క్రియేష‌న్స్ సంస్థల ద్వారా జ‌న‌వ‌రి 29న ఈ చిత్రాన్ని విడుద‌ల చేస్తున్నారు.

‘30 రోజుల్లో ప్రేమించటం ఎలా’ ట్రైలర్

LEAVE A REPLY

Please enter your comment!
Please enter your name here