వరుణ్ తేజ్ బర్త్ డే గిఫ్ట్ ఇదే.. మెగా ట్రీట్ రెడీ చేసిన నాగబాబు తనయుడు

0
14



‘ముకుంద’ సినిమాతో హీరోగా వెండితెరపై కాలుమోపి తక్కువ సినిమాలతోనే స్టార్ హీరో స్టేటస్ పట్టేశారు మెగా ప్రిన్స్ వరుణ్ తేజ్. ఫిదా, తొలిప్రేమ, F2 లాంటి బ్లాక్‌బస్టర్స్ ఖాతాలో వేసుకొని క్లాస్ ఆడియన్స్ మెప్పుపొందిన ఈ హీరో.. ఇటీవలే ‘గద్దలకొండ గణేష్’ సినిమాతో మాస్ ఆడియన్స్ పల్స్ పట్టేశారు. దీంతో సినిమాలపై మెగా అభిమానులతో పాటు అశేష తెలుగు ప్రేక్షకులకు ఓ క్రేజ్ ఏర్పడింది. ఈ నేపథ్యంలో న్యూ డైరెక్టర్ కిరణ్‌ కొర్రపాటి దర్శకత్వంలో వరుణ్ ఓ కొత్త ప్రాజెక్టు చేస్తున్నారు.

ఈ చిత్రంలో వరుణ్‌తేజ్‌ బాక్సర్‌గా సరికొత్త గెటప్‌లో కనిపించనున్నారు. బాలీవుడ్‌ భామ సయీ మంజ్రేకర్‌ హీరోయిన్‌గా నటిస్తోంది. ఉపేంద్ర, సునీల్‌ శెట్టి, నవీన్‌ చంద్ర తదితరులు కీలక పాత్రలు పోషిస్తున్నారు. వరుణ్ కెరీర్‌లో 10వ చిత్రంగా రాబోతున్న ఈ మూవీని అల్లు అరవింద్‌ సమర్పణలో రెనసాన్స్‌ ఫిలింస్‌, బ్లూ వాటర్‌ క్రియేటివ్‌ బ్యానర్స్‌పై అల్లు వెంకటేవ్‌, సిద్ధు ముద్ద నిర్మిస్తున్నారు. బాక్సర్ రోల్‌ చేయడానికి వరుణ్‌తేజ్‌ ప్రత్యేకంగా అమెరికాలో శిక్షణ పొందారు. కాగా మరో మూడు రోజుల్లో అనగా జనవరి 19వ తేదీ వరుణ్ తేజ్ పుట్టినరోజు సందర్భంగా ఈ మూవీ నుంచి మెగా ట్రీట్ ఇవ్వబోతున్నారు మేకర్స్.

జనవరి 19న వరుణ్‌ తేజ్‌ పుట్టినరోజు కానుకగా ఉదయం 10 గంటల 10 నిమిషాలకు ఈ సినిమా ఫస్ట్‌లుక్‌ విడుదల చేస్తున్నట్లు చిత్ర యూనిట్‌ అధికారికంగా ప్రకటించింది. దీంతో ప్రేక్షకుల్లో ఆసక్తి మొదలైంది. ఆ క్షణం ఎప్పుడెప్పుడు వస్తుందా అని ఆతృతగా ఎదురుచూస్తున్నామంటూ కామెంట్స్ చేస్తున్నారు మెగా ఫ్యాన్స్. ఈ సినిమాతో పాటు F2 సీక్వల్ F3 మూవీ చేస్తున్నారు వరుణ్ తేజ్.

LEAVE A REPLY

Please enter your comment!
Please enter your name here