రామ్ చరణ్ కోసం శంకర్ భారీ ప్లాన్స్.. 3D ఫార్మాట్.. హీరోయిన్‌గా ‌రష్మిక మందన!

0
21



RRR మూవీ తర్వాత మెగా పవర్ స్టార్ మరో భారీ ప్రాజెక్టులో భాగమవుతున్న సంగతి తెలిసిందే. ”జెంటిల్‌మెన్‌, భారతీయుడు, అపరిచితుడు, రోబో” లాంటి సూపర్ డూపర్ హిట్ సినిమాలు రూపొందించిన డైరెక్టర్ దర్శకత్వంలో చెర్రీ తదుపరి సినిమా ఉండనుందని ఇటీవలే అఫీషియల్ ప్రకటన ఇచ్చారు. రామ్ చరణ్- శంకర్ కాంబో అని తెలియగానే ఊహించని విధంగా ఈ ప్రాజెక్టుపై భారీ అంచనాలు క్రియేట్ అయ్యాయి. ఆ అంచనాలకు రెక్కలు కడుతూ తాజాగా వినిపిస్తున్న అప్‌డేట్స్ మెగా అభిమానులను మరింత ఖుషీ చేస్తున్నాయి.

దిల్‌ రాజు నిర్మాతగా వ్యవహరించబోతున్న ఈ సినిమాను శ్రీ వేంకటేశ్వర క్రియేషన్స్‌ బ్యానర్‌పై ఎంతో ప్రతిష్టాత్మకంగా నిర్మించబోతున్నారు. ఆ సంస్థకు ఇది 50వ సినిమా కానుండటంతో భారీ రేంజ్‌లో ఉండాలని ప్లాన్ చేస్తున్నారట దిల్ రాజు. ఈ మేరకు శంకర్‌తో డిస్కషన్స్ నడుస్తున్నాయట. అయితే ఈ చిత్రంతో ప్రేక్షకులకు ఓ వినూత్న అనుభూతినిచ్చేలా 3D ఫార్మాట్‌లో రూపొందించాలని చూస్తున్నారట శంకర్. ఇక ఈ భారీ చిత్రంలో హీరోయిన్ విషయమై పలువురి పేర్లు పరిశీలించిన శంకర్.. చివరగా క్రేజీ బ్యూటీ వైపు మొగ్గుచూపారని తెలుస్తోంది.

రష్మిక పేరును దిల్‌రాజుకు సూచించిన శంకర్.. ఆమెనే ఫైనల్ చేద్దామని చెప్పారట. దీంతో దిల్ రాజు కూడా ఓకే చెప్పారని ఫిలింనగర్ టాక్. ఈ ప్రపోజల్ రష్మిక వద్దకు కూడా వెళ్లిందని, ఇందుకు ఆమె వెంటనే సై అందని సమాచారం. ప్రస్తుతం అల్లు అర్జున్ సరసన ‘పుష్ప’ మూవీతో పాటు బాలీవుడ్‌లో సిద్ధార్థ మల్హోత్రా హీరోగా నటిస్తోన్న ’మిషన్‌ మజ్ను’ సినిమాలో నటిస్తున్న రష్మిక.. డేట్స్ అడ్జస్ట్ చేసుకొని ఈ సినిమాలో భాగం కానుందని తెలుస్తోంది. ఏదేమైనా చెర్రీతో ఇంతటి భారీ సినిమాలో అవకాశం అంటే ఇక ఫ్యూచర్‌లో రష్మిక వెనుతిరిగి చూడాల్సిన అవసరమే ఉండక పోవచ్చు!.

LEAVE A REPLY

Please enter your comment!
Please enter your name here