భారత్ ఎఫెక్ట్.. కమలా హ్యారిస్ మేనకోడలికి షాక్ ఇచ్చిన వైట్‌హౌస్!

0
21



అమెరికా ఉపాధ్యక్షురాలు కమలా హ్యారిస్, ఆమె కుటుంబం అత్యున్నత నైతిక ప్రమాణాలను కలిగి ఉండాలని అధికార ప్రతినిధి స్పష్టం చేశారు. వైట్‌హౌస్ నిబంధనల ప్రకారం పేరును ఎటువంటి వాణిజ్యపరమైన అంశాలకు ఉపయోగించరాదని పేర్కొంది. కమలా హ్యారిస్ మేనకోడలు మీనా హారిస్ తన వ్యక్తిగత ప్రతిష్ఠను పెంచుకోడానికి ఉపాధ్యక్షురాలి పేరును వాడుకోవడం ఆపేయాలని కోరినట్లు వచ్చిన వార్తల నేపథ్యంలో ఈ ప్రకటన వచ్చింది.

‘వైస్-ప్రెసిడెంట్, ఆమె కుటుంబం అత్యున్నత నైతిక ప్రమాణాలను సమర్థిస్తాయి.. ఆమోదం లేదా మద్దతును సూచించడానికి సహేతుకంగా వాణిజ్య కార్యకలాపాలకు సంబంధించి ఉపాధ్యక్షురాలి పేరును ఉపయోగించరాదని వైట్ హౌస్ విధానం’ అని వైస్-ప్రెసిడెంట్ డిప్యూటీ ప్రెస్ సెక్రెటరీ సబ్రీనా సింగ్ తెలిపారు. లాస్ ఏంజెల్స్ టైమ్స్ కథనం ప్రకారం.. తన వ్యక్తిగత ప్రతిష్ఠను పెంచుకోడానికి కమలా హ్యారిస్ పేరును వాడొద్దని వైట్‌హౌస్ సూచించింది.

ఎన్నికల్లో జో బైడెన్, కమలా హ్యారిస్ విజయం సాధించిన తర్వాత అధికార మార్పిడి బృందం ఎథిక్స్ లాయర్లు మీనా హ్యారిస్‌కు ఈ విషయమై కీలక సూచనలు చేసినట్టు ఓ అధికారి పేర్కొన్నారు. మేనత్త కమలా పేరును ఎక్కడా వినియోగించరాదని సూచించారని అన్నారు. వైస్-ప్రెసిడెంట్ కమలా పేరుతో ఆమె మేనకోడలు గతంలో వస్త్రాలు, ఇతర వస్తువులను అమ్మి లబ్ది పొందారని, ప్రస్తుత నిబంధనల ప్రకారం వాటిని అనుమతించరని లాస్ ఏంజెల్స్ టైమ్స్ తెలిపింది.

ఈ అంశంపై సోషల్ మీడియా ద్వారా మీనా హ్యారిస్‌ను ప్రశ్నించినా ఆమె ఇంతవరకూ స్పందించలేదు. కమలా హ్యారిస్ అమెరికా ఉపాధ్యక్షురాలిగా బాధ్యతలు చేపట్టిన తర్వాత మీనా పేరు మీడియాలో ప్రముఖంగా వినిపించింది. సాగు చట్టాలపై రైతుల ఆందోళనకు మద్దతు తెలియజేస్తూ మీనా హ్యారిస్ ట్విట్టర్‌లో స్పందించిన విషయం తెలిసిందే. టూల్‌కిట్ వ్యవహారంలో పర్యావరణ కార్యకర్త దిశా రవి అరెస్ట్‌పై మీనా స్పందించింది. భారత్‌లో ఏం జరుగుతుందోంటూ ట్వీట్ చేసింది.

మీనా వరుస పోస్టులపై భారత ప్రభుత్వం ప్రభుత్వం సహా ఆమె మద్దతుదారుల నుంచి తీవ్ర వ్యతిరేకత వ్యక్తమయ్యింది. ఇవి భారత-యుఎస్ సంబంధాలకు ఊహించని ఆవరోధంగా అభివర్ణించారు. భారత అంతర్గత వ్యవహారాల్లో మీనా జోక్యం చేసుకుంటున్నారనే ఆరోపణలు ఎదుర్కొంటున్నారు. వీటిపై స్పందించిన వైట్‌హౌస్.. ఓ పౌరురాలిగా ఆమె తన భావాలను వ్యక్తం చేసిందని పేర్కొంది. తాజా ఆదేశాల వెనుక భారత్ ప్రభావం ఉందనే ప్రచారం జరుగుతోంది.

LEAVE A REPLY

Please enter your comment!
Please enter your name here