పెళ్లిపేరుతో మహిళను నమ్మించి అత్యాచారం.. చిక్కుల్లో బీజేపీ ఎమ్మెల్యే!

0
26



రాజస్థాన్‌కు చెందిన బీజేపీ నమోదయ్యింది. తనను వివాహం చేసుకుంటానని నమ్మించి, అత్యాచారానికి పాల్పడినట్టు ఓ మహిళ పోలీసులకు ఫిర్యాదు చేయడంతో ఆయనపై కేసు నమోదు చేశారు. గోంగుడ ఎమ్మెల్యే ప్రతాప్ లాల్ భీల్ తనను పెళ్లి పేరుతో మోసం చేసి, పలుసార్లు అత్యాచారానికి పాల్పడినట్టు మధ్యప్రదేశ్‌లోని నీముంచ్‌కు చెందిన 35 ఏళ్ల మహిళ ఆరోపించింది.

గోంగుడ పోలీస్ స్టేషన్‌లో లిఖితపూర్వకంగా బాధితురాలు ఫిర్యాదు చేసింది. దీనిపై పోలీసులు స్పందించకపోడంతో గురువారం ఐజీ సత్యవీర్ సింగ్‌ను కలిసింది. బాధితురాలి ఫిర్యాదుపై కేసు నమోదుచేయాలని ఉదయ్‌పూర్ జిల్లా ఎస్పీ రాజీవ్ పశ్చర్‌కు ఐజీ ఆదేశించారు. దీంతో కేసు నమోదుచేసిన గోంగుడ పోలీసులు.. బాధిత మహిళను వైద్య పరీక్షల కోసం తరలించారు.

ఈ కేసును సీబీ-సీఐడీకి బదిలీ చేసినట్టు ఎస్పీ తెలిపారు. దీనిపై ఎమ్మెల్యే ప్రతాప్ లాల్ ఇంత వరకూ ఎటువంటి ప్రకటన చేయలేదు. ఎమ్మెల్యే ప్రతాప్ లాల్ భీల్‌ను మూడు నాలుగేళ్ల కిందట ఓ కార్యక్రమంలో కలిశానని, ఇద్దరిదీ ఒకే సామాజిక వర్గం కావడంతో పరిచయం స్నేహంగా మారిందని బాధిత మహిళ తెలిపింది. తనకు ఇదివరకే పెళ్లయిన భర్తతో సంతోషంగా ఉండలేక అతడిని విడిపోయినట్టు చెప్పింది.

ఎమ్మెల్యే కూడా వివాహమైనా తాను సంతోషంగా లేనని, సమాజ ఆచారాల ప్రకారం భార్య నుంచి విడిపోయానని తనతో చెప్పాడని పేర్కొంది. ఆయన మాటలు నిజమేనని నమ్మి.. ప్రతాప్ లాల్ చేసిన పెళ్లి ప్రతిపాదనలను అంగీకరించానంది.
తనను కుటుంబసభ్యులకు పరిచయం చేసి, వారి ఆమోదంతో పెళ్లి చేసుకుంటానని తీసుకొచ్చాడని తెలిపింది. గోంగుడికి బదులు ఉదయ్‌పూర్ సుఖేర్‌ ప్రాంతంలోని అపార్ట్‌మెంట్‌‌కు తీసుకొచ్చి ఆ రోజు రాత్రి తనను లోబరుచుకున్నాడని బాధితురాలు తన ఫిర్యాదులో వివరించారు.

ఆ తర్వాత ఇంటికి తీసుకెళ్లడం గానీ, కుటుంబసభ్యులకు పరిచయం‌గానీ చేయలేదంది. పలుసార్లు తనపై అత్యాచారం చేశాడని, పెళ్లి చేసుకుంటానని చెప్పడంతోనే నమ్మి మోసపోయానని వాపోయింది. కొన్నాళ్లుగా తన పట్ల అయిష్టతను ప్రదర్శిస్తున్నాడని, అతడి భార్యతో మాట్లాడటానికి ప్రయత్నిస్తే ఆమె కూడా తనను ఫోన్‌లో దుర్భాషలాడిందని ఆరోపించింది.

LEAVE A REPLY

Please enter your comment!
Please enter your name here