దీర్ఘకాలం కోవిడ్, ప్లాస్మా చికిత్సతో మ్యుటేషన్ ముప్పు!

0
28



దీర్ఘకాలం కోవిడ్-19, ప్లాస్మా చికిత్స వల్ల మ్యుటేషన్ ముప్పు పెరుగుతుందా? అంటే అవునంటున్నారు బ్రిటన్ వైద్యులు. కరోనా బారినపడ్డ క్యాన్సర్ బాధితుడికి 102 రోజులు చికిత్స చేసిన బ్రిటన్ వైద్యులు.. ప్లాస్మా చికిత్స తర్వాత వైరస్ ఎలా పరివర్తన చెందిందో డాక్యుమెంట్‌ను రూపొందించారు. కోవిడ్ -19 నుంచి కోలుకున్న వ్యక్తి ప్లాస్మా వాడకం వైరస్ పరిణామం చెందడానికి తగినంత ఒత్తిడి తెచ్చి ఉండవచ్చని కేస్ స్టడీ పేర్కొంది. సాధారణంగా వ్యాధితో పోరాడే రోగనిరోధక వ్యవస్థ యాంటీబాడీలకు తక్కువ అవకాశం ఉందని నేచర్ జర్నల్‌లో శుక్రవారం ప్రచురించిన నివేదిక తెలిపింది.

ప్లాస్మా వల్ల కరోనా రోగికి ఎటువంటి హాని కలగకపోయినా ప్రయోజనంపై కూడా స్పష్టత లేదు అని కేంబ్రిడ్జ్ ఇన్‌స్టిట్యూట్ ఆఫ్ థెరప్యుటిక్ ఇమ్యునాలజీ అండ్ ఇన్‌ఫక్టియస్ డిసీజెస్ క్లినికల్ మైక్రోబయాలజీ ప్రొఫెసర్ రవీంద్ర గుప్తా అన్నారు. క్లినికల్ ట్రయల్స్ లేదా నియంత్రిత విధానంలో దీర్ఘకాలిక అనారోగ్యంతో ఉన్నవారికి జాగ్రత్తగా వినియోగించాలి. రోగనిరోధక వ్యవస్థలు, దీర్ఘకాలిక ఇన్ఫెక్షన్లు ఉన్న రోగులలో పలు ఉత్పరివర్తనాలు చోటుచేసుకున్నట్టు నివేదిక సూచిస్తుంది.

‘వైరస్ ఒక వ్యక్తిలో దీర్ఘకాలం ఉన్నప్పుడు రూపాంతరం చెంది రోగనిరోధక వ్యవస్థతో ఎలా పోరాడాలో అది నేర్చుకుంటుంది’ అని గుప్తా చెప్పారు. ఇదంతా వైరస్ పై ఒత్తిడి పెంచుతుందని ఆయన వ్యాఖ్యానించారు. యూకేలో విజృంభిస్తున్న కొత్తరకం స్ట్రెయిన్ రోగి నుంచి అభివృద్ధి చెందినట్టు కచ్చితమైన ఆధారల్లేవని నివేదిక తెలిపింది. అయితే దీనికి కొన్ని అంశాలు ఉమ్మడిగా ఉన్నాయని గుప్తా అన్నారు.

మొత్తంమీద, కోవిడ్ -19 సాపేక్షంగా నెమ్మదిగా పరివర్తన చెందుతోంది. ఎందుకంటే వేగంగా వ్యాప్తి చెందడం వల్ల తక్కువ సమయం ఉంటుంది. అయితే, ఈ సందర్భంలో రోగి వ్యాధి నిర్ధారణ అయినప్పటి నుంచి అతను చనిపోయే వరకు 102 రోజులు వైరస్‌తో పోరాడాడని అధ్యయనకర్త అన్నారు. కరోనాకు ప్లాస్మా చికిత్స వల్ల ప్రయోజనం లేదని అమెరికా మాజీ అధ్యక్షుడు డొనాల్డ్ ట్రంప్ ప్రకటించిన తర్వాత యూకే దీనిపై జాతీయస్థాయి అధ్యయనం నిర్వహించింది.

LEAVE A REPLY

Please enter your comment!
Please enter your name here