డ్రాగన్ ఫ్రూట్ పేరును మార్చేసిన గుజరాత్ సర్కార్.. మీమ్స్ చూస్తే పొట్ట చెక్కలే!

0
25



తెలుసు కదా.. ఈ పండులో పోషక విలువలు ఎక్కువగా ఉండటంతోపాటు.. తరచుగా తీసుకుంటే రోగ నిరోధక శక్తి పెరుగుతుంది. దీంతో.. మన దగ్గర ఈ పండుకు డిమాండ్ పెరిగింది. మన దేశంలో ఈ పంట సాగు కూడా క్రమంగా పెరుగుతోంది. ఇక్కడి దాకా బాగానే ఉంది కానీ.. డ్రాగన్ అంటే చైనా గుర్తొస్తుందని భావించిందేమో… గుజరాత్ ప్రభుత్వం ఆ పండు పేరును మార్చేసింది. డ్రాగన్ ఫ్రూట్‌ను కాస్తా ‘కమలం’ చేసింది.

డ్రాగన్ ఫ్రూట్ పేరును కమలంగా మార్చాలని నిర్ణయించామని గుజరాత్ సీఎం విజయ్ రూపానీ మంగళవారం ప్రకటించారు. నామినోకల్చర్ మార్పునకు వీలుగా పేటెంట్‌ కోసం తమ ప్రభుత్వం దరఖాస్తు చేసిందన్నారు. గుజరాత్‌లోని కచ్, నవసారీ, సౌరాష్ట్రలోని కొన్ని ప్రాంతాల్లో డ్రాగన్ ఫ్రూట్… సారీ కమలం ఎక్కువగా సాగవుతుంది.

డ్రాగన్ ఫ్రూట్ అనే పేరు సరిగా లేదు. ఆ పేరు చెప్పగానే చైనా గుర్తొస్తుంది. అందుకే దానికి కమలం అని పేరుపెట్టామని విజయ్ రూపానీ తెలిపారు. ఈ పండు కమలంలా ఉంటుందని రైతులు చెబుతున్నారు.. అందుకే దానికి కమలం అని పేరు పెట్టామని రూపానీ చెప్పడం గమనార్హం. గుజరాత్ సీఎం ఈ ప్రకటన చేయగానే.. సోషల్ మీడియాలో మీమ్స్, జోక్స్‌ పోటెత్తాయి. ట్విట్టర్లో డ్రాగన్ ఫ్రూట్ కమలం ట్రెండ్ అయ్యాయి.

డ్రాగన్ ఫ్రూట్‌ను ఆగ్నేయాసియా, అమెరికా, కరేబియన్ దీవులు, ఆస్ట్రేలియాతోపాటు భారత్‌లో సాగు చేస్తున్నారు. ఈ పండు తింటే హిమోగ్లోబిన్ స్థాయిలు పెరగడంతోపాటు రోగ నిరోధక శక్తి పెరుగుతుంది.

LEAVE A REPLY

Please enter your comment!
Please enter your name here