ట్రంప్‌కు 'అభిశంసన' షాక్.. అమెరికా చరిత్రలో రెండోసారి

0
25



అమెరికా అధ్యక్షుడు ట్రంప్‌నకు అభిశంసన షాక్ తగిలింది. ఆయన్ను అధ్యక్ష పదవి నుంచి తప్పించాలని ప్రవేశపెట్టిన అభిశంసనను ప్రతినిధుల సభ ఆమోదించింది. ట్రంప్‌నకు వ్యతిరేకంగా 231 ఓట్లు.. అనుకూలంగా 197 ఓట్లు వచ్చాయి.. అంతేకాదు పలువురు రిపబ్లికన్లు కూడా వ్యతిరేకంగా ఓటు వేశారు. అమెరికా చరిత్రలో రెండో సారి అభిశంసనకు గురైన మొదటి అధ్యక్షుడిగా ట్రంప్‌ చరిత్రలో నిలిచారు.

ట్రంప్‌ను 25వ రాజ్యాంగ సవరణను ఉపయోగించి పదవి నుంచి తొలగించాలని ఉపాధ్యక్షుడు మైక్‌ పెన్స్‌ను కోరుతూ డెమొక్రాట్లు ప్రతినిధుల సభలో తీర్మానం ప్రవేశపెట్టారు. సోమవారమే ఈ తీర్మానాన్ని ప్రవేశపెట్టినా.. రిపబ్లిక్‌ సభ్యులు అడ్డుకున్నారు. వైస్ ప్రెసిడెంట్ పెన్స్‌ కూడా సుముఖంగా లేనని చెప్పారు. కానీ స్పీకర్‌ పట్టుబట్టి మరీ ఈ తీర్మానంపై ఓటింగ్‌ నిర్వహించారు. తీర్మానాన్నిపెన్స్‌ తోసిపుచ్చారు. దీంతో ప్రతినిధుల సభలో డెమొక్రాట్లు ప్రవేశ పెట్టిన అభిశంసన తీర్మానంపై ప్రతినిధుల సభలో చర్చ సాగింది. ట్రంప్‌ను పదవి నుంచి తొలగించాలని మెజార్టీ సభ్యులు ఓటేయడంతో అభిశంసనకు గురయ్యారు.

జో బైడెన్‌ గెలుపును ధ్రువీకరిస్తూ ఈనెల 6న వాషింగ్టన్‌లోని క్యాపిటల్‌ హిల్‌ భవనంలో అమెరికా కాంగ్రెస్‌ సమావేశమైంది. దీన్ని వ్యతిరేకిస్తూ ట్రంప్‌ మద్దతుదారులు పెద్దఎత్తున్న క్యాపిటల్‌ భవనాన్ని చుట్టుముట్టారు. ఈ క్రమంలో పోలీసులకు, ట్రంప్‌ మద్దతుదారులకు జరిగిన ఘర్షణలో ఐదుగురు చనిపోయారు. ట్రంప్‌ కావాలనే తన మద్దతుదారులను ప్రోత్సహించారని డెమొక్రాట్లు ట్రంప్‌పై ప్రతినిధుల సభలో అభిశంసన తీర్మానం పెట్టారు. మెజార్టీ సభ్యులు మద్దతు ఇవ్వడంతో ట్రంప్‌ అభిశంసనకు గురికాగా.. ఈ తీర్మానాన్ని సెనెట్‌కు పంపనున్నారు. జనవరి 20న బైడెన్‌ అమెరికా అధ్యక్షుడిగా బాధ్యతలు చేపట్టబోతున్నారు. అనంతరం ట్రంప్‌పై విచారణ జరగనుంది.

LEAVE A REPLY

Please enter your comment!
Please enter your name here