ఒడిశా రాష్ట్రం రక్తసిక్తం అయ్యింది. ఘోర రోడ్డు ప్రమాదం 9 మంది ప్రాణాల్ని బలితీసుకుంది. మరో 13మంది తీవ్ర గాయాల పాలయ్యారు. రాష్ట్రంలోని కోరాపుట్ జిల్లాలో ఈ దుర్ఘటన చోటు చేసుకుంది. అదుపుతప్పి సిందిగాం దగ్గర వ్యాన్ బోల్తాకొట్టింది. ఈ ప్రమాదంలో 9 మంది అక్కడికక్కడే మృతి చెందారు. ఈ ఘటన కోట్పాడ్ సమీపంలోని సిందిగుడ వద్ద చోటు చేసుకుంది. వ్యాన్లో సుమారుగా 22 మంది ప్రయాణికులు ఉన్నట్లు సమాచారం. పోలీసులు తెలిపిన వివరాల ప్రకారం వీరంతా సిందిగుడ గ్రామం నుంచి ఛత్తీస్గఢ్లో కుల్దా గ్రామానికి వెళ్తున్నారు.