గని: హైదరాబాద్‌లో ల్యాండ్ అయిన ఉపేంద్ర.. ఇక మెగా వారసుడు వరుణ్ తేజ్‌తో సమరమే!

0
20



మెగా వారసుడు వరుణ్ తేజ్‌ని ఢీ కొట్టేందుకు కన్నడ ఇండస్ట్రీ నుంచి హైదరాబాద్‌లో ల్యాండ్ అయ్యారు. ఏంటి అర్థంకాలేదా..? అదేనండీ.. వరుణ్ తేజ్ హీరోగా ఆయన కెరీర్‌లో 10వ సినిమాగా రూపుదిద్దుకుంటున్న ” సెట్స్ పైకి వచ్చేశారు ఉపేంద్ర. కిరణ్ కొర్రపాటి దర్శకత్వంలో తెరకెక్కుతున్న ఈ సినిమా శరవేగంగా షూటింగ్ జరుపుకుంటోంది. ఈ నేపథ్యంలో సెకండ్ షెడ్యూల్ షూటింగ్‌లో పాల్గొనేందుకు గాను ఉపేంద్ర హైదరాబాద్ చేరుకున్నారు.

బాక్సింగ్ నేపథ్యంలో తెరకెక్కుతున్న ఈ సినిమా కోసం భారీ తారాగణాన్ని సెలెక్ట్ చేసుకున్న కిరణ్ కొర్రపాటి.. ప్రతి సన్నివేశంపై ప్రత్యేక శ్రద్ద పెట్టి షూట్ చేస్తున్నారట. ఇటీవలే ఫస్ట్ షెడ్యూల్ ఫినిష్ చేసిన ఆయన సెకండ్ షెడ్యూల్‌లో వరుణ్ తేజ్, ఉపేంద్రలపై పలు కీలక సన్నివేశాల చిత్రీకరణ జరపనున్నారట. వీరిద్దరి మధ్య ఓ ఫైట్ సీన్ కూడా ఉంటుందని తెలుస్తోంది. ఉపేంద్రతో పాటు బాలీవుడ్ స్టార్ సునీల్ శెట్టి, జగపతిబాబు, నవీన్ చంద్రల రోల్స్ ఈ సినిమాలో కీలకం కానున్నాయట.

అల్లు అర‌వింద్ స‌మ‌ర్పణ‌లో రెన‌సాన్స్ ఫిలింస్‌, బ్లూ వాట‌ర్ క్రియేటివ్ ప‌తాకాల‌పై సిద్ధు ముద్ద, అల్లు వెంక‌టేష్ (బాబీ) ఈ ‘గని’ చిత్రాన్ని నిర్మిస్తున్నారు. వరుణ్ తేజ్ సరసన బాలీవుడ్ బ్యూటీ సయీ మంజ్రేక‌ర్ హీరోయిన్‌‌గా నటిస్తోంది. జార్జ్ సి విలియమ్స్ సినిమాటోగ్రఫీ అందిస్తుండగా, థమన్ బాణీలు కడుతున్నారు. ముందుగా ఈ చిత్రాన్ని జులై 30 విడుదల చేయాలని భావించిన దర్శకనిర్మాతలు.. అదే రోజు ప్రభాస్ ‘రాధేశ్యామ్’ రిలీజ్ కానున్న నేపథ్యంలో వెనక్కి తగ్గినట్లు తెలుస్తోంది. ఏదేమైనా వరుణ్ తేజ్ అభిమానులు డిఫరెంట్ మూవీ ‘గని’పై భారీ అంచనాలు పెట్టుకున్నారు.

LEAVE A REPLY

Please enter your comment!
Please enter your name here