ఇండిగో మేనేజర్ హత్య.. సహనం కోల్పోయిన మీడియాపై సీఎం చిందులు!

0
20



ఇండిగో ఎయిర్‌లైన్స్ మేనేజర్ రూపేశ్ కుమార్ సింగ్ హత్య విషయంలో మీడియా అడిగిన ప్రశ్నలకు బిహార్ ముఖ్యమంత్రి సహనం కోల్పోయి చిందులు వేశారు. సీఎం నివాసానికి సమీపంలోనే ఈ హత్య జరగడంతో ప్రాధాన్యత సంతరించుకుంది. ఈ కేసులో మీడియా అనుచితమైన ప్రశ్నలు సంధిస్తోందని నితీశ్ ఆరోపించారు. ‘మీదగ్గర ఏవైనా ఆధారాలు ఉంటే, దయచేసి పోలీసులతో పంచుకోండి’అన్న ముఖ్యమంత్రి.. నేరాన్ని రుజువు చేయడంలో సహాయపడాలని సూచించారు. ఇండిగో మేనేజర్ రూపేశ్ కుమార్ సింగ్‌ తన నివాసంలోనే మంగళవారం హత్యకు గురయ్యారు.

‘మీరు చాలా గొప్పవారు. నేను సూటిగా అడుగుతున్నాను… మీరు ఎవరికి మద్దతు ఇస్తున్నారు? ’అని మీడియాపై సీఎం తన అసహనం ప్రదర్శించారు. ‘అంతేకాదు, పదిహేనేళ్లు పాలించారు.. భార్యభర్తల పాలనలో ఎన్నో నేరాలు జరిగాయి.. వాటిని ఎందుకు హైలెట్ చేయరు’ అని పరోక్షంగా లాలూ ప్రసాద్ యాదవ్ ఆయన భార్య రబ్రీదేవిల పాలనను పరోక్షంగా ప్రస్తావించారు.

‘రాష్ట్రంలో ఏం జరిగినా తక్షణమే స్పందించిన చర్యలు తీసుకుంటున్నాం.. మిమ్మల్ని గౌరవిస్తాం కానీ, మీకు ప్రత్యేక సలహా ఇచ్చేవారికి శిక్షణ అవసరం’అని వ్యాఖ్యానించారు. ఇండిగో మేనేజర్ రూపేశ్ కుమార్ సింగ్‌ను మంగళవారం ఆయన నివాసంలోనే గుర్తుతెలియని వ్యక్తులు హత్యచేశారు. ఆయన తన వాహనంపై నిలబడి ఉండగా.. ద్విచక్రవాహనంపై వచ్చిన దుండగులు కాల్చి చంపారు. ముఖ్యమంత్రి నివాసానికి 2 కిలోమీటర్ల దూరంలోనే ఈ ఘటన చోటుచేసుకుంది.

‘మీరు తప్పుడు ప్రశ్నలు అడుగుతున్నారు.. అవి నిరాధారమైనవి.. ఓ హత్య జరగడానికి ప్రేరణ ఉంటుంది.. దానికి గల కారణాలు తెలుసుకోవాల్సి ఉంది.. పోలీసులు ఆ దిశగా ప్రయత్నిస్తున్నారు.. మీకు ఏమైనా ఆధారాలు లభిస్తే అందజేయంండి.. ఈ విధంగా పోలీసుల నైతికస్థైర్యాన్ని దెబ్బతీయకండి.. 2005కి ముందు ఏం జరిగింది.. చాలా నేరాలు, హింసాత్మక ఘటనలు చోటుచేసుకోలేదా?’ అని మీడియాను నితీశ్ ప్రశ్నించారు.

నితీశ్ వ్యాఖ్యలపై ఆర్జేడీ నేత తేజస్వీ యాదవ్ తీవ్రంగా స్పందించారు.. ‘నితీశ్ కుమార్ నేరస్థుల ముందు లొంగిపోయాడు.. నేరాలను ఎవరూ ఆపలేరని అన్నారు. హరప్ప నాగరికతలో కూడా నేరాలు జరిగాయి. సరిపోల్చండి.. వారిని పట్టుకోడానికి బదులు నేరస్థులు ఎవరో తెలుసా అని ఆయన విలేకరులను అడుగుతున్నారు’

LEAVE A REPLY

Please enter your comment!
Please enter your name here