ఆన్‌లైన్‌ స్నేహం, బాలికను ముంబైకి రప్పించి.. దారుణం, అదే ఆన్‌లైన్ కాపాడింది!

0
21



న్‌లైన్ పరిచయం ఓ అమ్మాయికి శాపంగా మారింది. సోషల్ మీడియాలో పరిచయమైన యువకుడిని కలవడం కోసం 13 ఏళ్ల ఓ బాలిక ఇంట్లో నుంచి వెళ్లిపోయింది. 21 ఏళ్ల యువకుడు మరో మైనర్ బాలుడితో కలిసి ఆమెపై దారుణానికి ఒడిగట్టారు. ముంబైలో జరిగిన ఈ ఘటనకు సంబంధించిన వివరాలు ఉన్నాయి.

రాజస్థాన్‌లోని జైపూర్‌కు చెందిన 13 ఏళ్ల ఓ అమ్మాయి సోషల్ మీడియాలో చాలా యాక్టివ్‌గా ఉంటుంది. ఆమెకు కొద్ది రోజుల కిందట అదే ప్లాట్‌ఫామ్‌లో 21 ఏళ్ల యువకుడితో పరిచయం ఏర్పడింది. ఆ బాలిక తరచూ అతడితో చాట్ చేస్తోంది. అతడితో పాటు ఓ మైనర్ బాలుడితో కూడా చాటింగ్ చేసేది.

ఈ క్రమంలో ఆ బాలికను చూడాలని ఉందంటూ ఆ యువకుడు ఆమెకు మామమాటలు చెప్పాడు. అతడి మాటలు నమ్మి బుధవారం (జనవరి 27) ఆమె ఉన్నపలంగా ఇంట్లో నుంచి వచ్చేసింది. జైపూర్‌లో సూరత్ వెళ్లే బస్సు ఎక్కేసింది. బస్సు ఛార్జీలు చెల్లించడానికి ఆమె వద్ద డబ్బులు కూడా లేవు. కానీ, ఆ యువకుడు కండక్టర్ నంబర్ తీసుకొని యూపీఐ ట్రాన్స్‌ఫర్ చేశాడు. ఆ యువకుడు చెప్పిన ప్రకారం ఆ బాలికను కండక్టర్ సూరత్‌లో ఓ చోట దింపేశాడు.

సూరత్ నుంచి ఆ బాలికను నేరుగా తీసుకెళ్లాడు ఆ యువకుడు. కుర్లాలోని ఓ ప్రాంతంలో ఆ బాలికపై అత్యాచారానికి పాల్పడ్డాడు. యువకుడితో పాటు మైనర్ బాలుడు కూడా ఆమెపై అఘాయిత్యం చేశాడు.

అదే ఆన్‌లైన్ పట్టించిందిలా..
బాలిక ఇంట్లోంచి వెళ్లిపోవడంతో ఆమె తల్లిదండ్రులు ఆందోళనకు గురయ్యారు. వెంటనే పోలీసులను ఆశ్రయించారు. బాలిక ఫోన్ నంబర్ ద్వారా ఆమె ముంబైలోని కుర్లా ప్రాంతంలో ఉన్నట్లు గుర్తించారు. సోషల్ మీడియాలో ఎప్పుడూ చురుగ్గా ఉండే ఆ బాలిక మొబైల్ ఇంటర్నెట్ ఘటనా స్థలంలోనూ యాక్టివ్‌గా ఉండటంతో అది సాధ్యమైంది. ముంబై పోలీసులను అలర్ట్ చేయడంతో వారు ఘటనా స్థలానికి చేరుకొని నిందితులను పట్టుకున్నారు.

ప్రధాన నిందితుడిని సైఫ్ అలీ ఖాన్‌ (21)గా గుర్తించారు. అతడిపై పలు సెక్షన్ల కింద కేసులు నమోదు చేశారు. ‘బాధితురాలు మైనర్ బాలిక కాబట్టి.. ఆమె ఇంట్లో నుంచి వెళ్లిపోవడం సాధారణ చర్యగా పరిగణించలేం. అది కిడ్నాప్ కిందకే వస్తుంది’ అని పోలీసులు తెలిపారు. పోలీసులు అక్కడికి చేరుకోవడం ఆలస్యమైతే ఇంకెంత దారుణం జరిగి ఉండేదో..!

LEAVE A REPLY

Please enter your comment!
Please enter your name here